حبيبى ليس عندى اغلى من الروح اليك وروحى مرهونه بين يديك
لذالك
عهد عليا لما التقى بيك
راح ادوب كل مشاعرى واحاسيسى فيك
وهافرش خدودك قصايد غزل
واسقى شفايفك شهد العسل
وهاشبك مشاعرك بنجوم السما
وينور قمرها لياليك الهنا
وهاعزف على عودك احلى نغم
ليلك فى ايام البعاد منه اتحرم
وفى يوم لقانا ياشمس يانوارة اوعى تغيبى
ويازهور على اغصان الشجر فتحى وطيبى
ويانسيم طوف البساتين بين الورود والخضرة
وابدر حنانك بين كل غصن وشجرة
ويا فرحه ويا الهوى والنسيم اتمخطرى
وتحت ضل شجرة افرشى بساط هنا لحبيبى
وجمعينى فى لحظه صفا ساعه عصريه
ويا حبيب القلب ابو المشاعر بالحنان مرويه
وياشمس عند بساط الحبايب هدى
وارخى دفاكى علينا ياام النهار الوردى
واروينا ياشوق من الانانى محبه
واسقينا شهد الحنان حبه بحبه