بعد الحبيب

اللحظه فى غيابك عذاب وفيها ايه هاقول ... كل اللى اصاب القلب وصفته للدنيا الدموع
زودت همى ولوعتى وابتدا ليلى يطول... وفى بحور الشوق تاهت مركبى وانكسرت كل الضلوع
وفى اعماق القلب باتت حسرتى واهات تقول ... من لحظه غيابك ياغالى انطفت كل الشموع
بين ياس وحيرة وعذاب ... هايمه انا تايهه فى عالم غريب
وضاع العمر فى عز الشباب ... وبايه يفيد العمر والحبيب عنى بعيد
بعدك خلى ايامى عذاب ... امتى تعود وتشفى جرحى العليل
بعدك ضنانى ياحبيبى ونور عينى ... ياللى من يوم غيابك ما نامت عينى
عشاق كتير مرتاحين وانا وحدى اللى مشغوله بيك . ياللى عمرى ماانسى حنانك ونسمه لياليك
ياما كنت خايفه من البعد لتغيرك الليالى .. وكنت خايفه من غدر الزمن على حبنا الغالى
فى الغربه تهون العشرة وتضيع وياها الامانى... والحب اللى بنناه فى سنين يتهدم بس فى ثوانى