عايش معاك صافى النيه وقلبى دايب فى هواك حنيه
والدنيا بيك وبطلعتك ورديه يانسمه على طول الزمان ملاليه
ضحكه عنيك ترياق وبلسم شافى ياللى القمر يقولك اغيب وتيجى مكانى
انت حبيبى وانت فرح زمانى اوصف شعورى بايه مش لاقيه بس معانى
صدقنى ياحبيبى قلبى ماعشقش غيرك انت
صدقنى ياحياتى انت اغلى امنياتى
يابو الجبين فجر سارح والشفايف والخدود ورد طارح
والعيون غنوة امل تحكى عن اجمل ملامح
انت قسمه مكتوبالى نجمه فى بحور الليالى
ومهما اقول واوصف فى حبك حبك اكبر من خيالى
انا على كف الليل باحلم والدنيا براح
باحلم وعيون الليل اشعار حب وليالى ملاح
باحلم ومنايا اشوفك وانت فى توب الافراح
والاقيك بين احضانى بساتين ورد وتفاح